Ýsubuff með steiktum hrísgrjónum og hollandaisesósu

400 g	ýsa
	olía
	chíli (eftir smekk)
1	laukur, saxaður mjög fínt
2	egg
1	soðin kartafla
3	hvítlauksrif
2 msk	hveiti
2 msk	rasp
1½ tsk.	salt
½ tsk.	cayennepipar
	pipar
	smjörlíki til steikingar (ekki olía)

Steikt Hrísgrjón

200 g	jasmín hrísgrjón (coop)
2	laukar
1	paprika, græn
2	gulrætur (100 g)
2	hvítlauksrif
	olía
	chili eftir smekk
3 tsk	Gyros krydd, (samanstendur af: Karrýi, salti, steinsilju, oreganó, hvítlauk, merian og sellerí blöðum.) Ef þetta krydd ekki til, er hægt að blanda saman karrýi, salti, steinsilju og oreganói.

Aðferð

Ýsabuff

Steikið ýsuna í smá olíu og chili. Þegar hún er gegnumsteikt er auðvelt að búa til farsið. Látið það kolna og hellið vökvanum. Hrærið saman lauk, eggi, kreistum hvítlauknum, stappaðri kartöflunni, salt, pipar og cayennepipar. Bætið síðan ýsunni við og hrærið vel, gjarnan með vél, þá bætist í hveiti og rasp (kannski þarf aðeins meira en segir) Farsið má ekki vera of þunnt. Bræðið smjörlíki á pönnu, og látið 4 skeiðar af farsi út á í einu, og jafnið hvor þeirra eins og BUFF. Steikið þangað til þau eru fallega brún

Gerir 14 buff. (Ath. líka gott í nestið á brauði)

Steikt hrísgrjón

Sjóðið hrísgrjónin, hellið vatninu og skolið síðan hrísgrjónin í sjóðandi vatn og hellið aftur vatninu af, (annars klístrast þau saman, og þá gengur ekki að steikja) látið kolna smá. Skerið lauk og papriku, svolítið gróft, gulrætur í stafi og hvítlaukinn fínt. Hitið olíu á pönnu og látið kryddið út á. Steikið lauk, gulrætur og papriku í u.þ.b. 5 mín og bætið við hrísgrjónin. Steikið í 5 mín til viðbótar og bætið hvítlauknum við alveg í restina.

Gott með

holandaíssósu frá Knorr. (Það er auðvitað hægt að gera sósuna sjálf, en knorr sósan er mjög góð, og ekki feitari en ef hún er heimatilbúin, ég nota þó bara hálfan skammt af smjörlíki). Bragðbætið með sítrónu, salti og pipar.

1	poka
3 dl	mjólk
1 msk	hveiti, blandið saman við innihald pokans.
30 g	smjörlíki

Höfundur uppskriftar

Kveðjur frá

Christina á Ísafirði