Pörusteik - steiking

1         svínabógur
7         lárviðarlauf
7         negulnaglar 

           gróft sjávarsalt pipar úr kvörn

Aðferð

Hitið ofninn í 190°C. Setjið bóginn í ofnskúffu með pöruna niður. Hellið vatni í skúffuna, vatnsborðið á að ná upp á miðja steikina. Bakið í 20 mín.

Takið kjötið úr ofninum. Skerið rákir í pöruna með 1 cm millibili, 7mm djúpar.

Kryddið kjötið báðu megin. Saltið pöruna vel.
Stingið lárviðarlaufum og negulnöglum í raufarnar.

Hellið vökvanum úr ofnskúffunni (fjarlægið fitu) og nýtið í sósuna.

Bakið kjötið áfram, paran snýr upp, í 20 mín.

Hækkið hitann í 200°C og steikið í 10 mín. eða þar til paran er orðin stökk.